گجرات: (دنیا نیوز) چودھری برادران نے گجرات میں نمازِ عیدالاضحی ادا کی، چوہدری شجاعت حسین کا کہنا ہےکہ عید کے پرمسرت موقع پر کشمیری بھائیوں اور اپنے فوجی جوانوں کو دعاؤں میں ضرور یاد رکھیں۔
چودھری برادران نے نماز کے اجتماع میں ملک و ملت کی سلامتی کیلئے خصوصی دعا کی، چودھری شجاعت حسین کا اس موقع پر کہنا تھا کہ عوام عید کا تہوار مناتے ہوئے کورونا ایس اوپیز کا خیال رکھیں، کورونا کی چوتھی لہر سر اٹھا رہی ہے، احتیاط اور ویکسین لگوانے سے ہی اس سے بچا جا سکتا ہے۔
سپیکر پنجاب اسمبلی چودھری پرویز الہی نے کہا کہ عید کی خوشیوں میں مستحق لوگوں کو شریک کیا جائے۔
