تازہ ترین
  • بریکنگ :- ملک بھرمیں 24 گھنٹےکےدوران کوروناسےمزید 8 اموات
  • بریکنگ :- ملک بھرمیں کوروناسےجاں بحق افرادکی تعداد 29 ہزار 37ہوگئی
  • بریکنگ :- 24 گھنٹےکےدوران 57 ہزار 669 کوروناٹیسٹ کیےگئے
  • بریکنگ :- 24 گھنٹےمیں کوروناکےمزید 5472 کیس رپورٹ،این سی اوسی
  • بریکنگ :- ملک میں کورونامثبت کیسزکی شرح 9.48 فیصدرہی،این سی اوسی

وزیر صحت یاسمین راشد کی زیر صدارت اجلاس، صوبہ بھرمیں ڈینگی صورتحال کا جائزہ

Published On 01 October,2021 02:03 pm

لاہور: (دنیا نیوز) صوبائی وزیر صحت ڈاکٹر یاسمین راشد کی زیر صدارت محکمہ سپیلائزڈ ہیلتھ کئیر اینڈ میڈیکل ایجوکیشن میں اہم اجلاس ہوا جس کے دوران صوبہ بھر میں ڈینگی کی صورتحال کا تفصیلی جائزہ لیا گیا۔

ایڈیشنل سیکرٹری ٹیکنیکل ڈاکٹرسلمان شاہد نے وزیرصحت کو پنجاب کے سرکاری ٹیچنگ ہسپتالوں میں ڈینگی کے مریضوں کے داخلوں اور علاج معالجہ کے اعداد وشمار کی تفصیلات پیش کیں۔

صوبائی وزیر صحت ڈاکٹر یاسمین راشد کہتی ہیں پنجاب میں ڈینگی کی صورتحال کا باقاعدگی سے جائزہ لیا جا رہا ہے۔ پنجاب ہیلتھ کئیرکمیشن صوبہ بھرکی لیبزمیں ڈینگی بخار کے ٹیسٹوں کے مقررہ نرخوں کو یقینی بنا رہا ہے۔ پنجاب کے سرکاری ہسپتالوں میں ڈینگی کے مریضوں کیلئے ادویات وافر مقدارمیں دستیاب ہیں۔ پنجاب کے بڑے سرکاری ہسپتالوں میں ڈینگی مریضوں کیلئے بستروں سمیت طبی سہولیات میں اضافہ کیا جا رہا ہے۔ حکومت ڈینگی کے خلاف جنگ عوام کے تعاون کے بغیر نہیں جیت سکتی۔