تازہ ترین
  • بریکنگ :- خلیج بنگال میں سمندری طوفان "جواد"شدت اختیارکرگیا،بھارتی میڈیا
  • بریکنگ :- سمندری طوفان آندھراپردیش کےساحل سےآج ٹکرانےکاامکان،بھارتی میڈیا

شہباز گل کے عدالت میں پیش نہ ہونے پر قابل ضمانت وارنٹ جاری

Published On 28 October,2021 01:09 pm

لاہور:(دنیا نیوز) سیشن کورٹ لاہور نے وزیراعظم کے معاون خصوصی شہباز گل کے عدالت پیش نہ ہونے پر قابل ضمانت وارنٹ جاری کر دئیے۔

لاہور کی سیشن عدالت میں معاون خصوصی شہباز گل کے خلاف نجی کمپنی کی جانب سے دائر استغاثہ پر سماعت ہوئی۔ ایڈیشنل سیشن جج حسنین اظہر شاہ نے شہباز گل کی عدم پیشی پر قابل ضمانت وارنٹ گرفتاری جاری کردئیے ۔ معاون خصوصی کو حکم دیا گیا ہے کہ یکم نومبر کو ذاتی حیثیت میں عدالت میں پیش ہوں اور تیس ہزار کے ضمانتی مچلکے جمع کرائیں ۔

 نجی کمپنی نے شہباز گل کے خلاف دعوی دائر کررکھا ہے جس کے مطابق شہباز گل نے نجی ٹی وی پروگرام میں کمپنی پر جھوٹے الزامات عائد کیے، بے بنیاد الزامات کے سبب کمپنی کو کروڑوں روپے کا نقصان ہوا ہے۔