تازہ ترین
  • بریکنگ :- روسی فورسزکےیوکرین پرحملوں میں اضافہ
  • بریکنگ :- روس نےڈونباس ریجن میں اسٹریٹجک شہرلائمن پرقبضہ کرلیا

مہنگائی کا بحران روکنے کیلئے عمران خان عملی اقدامات کریں یا پھر گھر جائیں: بلاول

Published On 14 November,2021 03:22 pm

کراچی: (دنیا نیوز) پاکستان پیپلزپارٹی کے چیئرمین بلاول بھٹو زرداری کہتے ہیں کہ بڑھتی مہنگائی اور گھٹتی آمدنی کے بحران کو روکنے کے لئے عمران خان عملی اقدامات کریں یا پھر گھر جائیں۔

ایک بیان میں پی پی چیئرمین بلاول بھٹو زرداری کا کہنا تھا کہ عمران خان ہر بحران پر نوٹس لے کر آخر میں "میں کیا کروں" کا اعلان کرکے نئے بحرانوں کو پیدا کرنا شروع ہوجاتے ہیں، آج ملک میں عام آدمی مہنگائی کی وجہ سے پریشان ہے اور اس کی صرف ایک وجہ عمران خان کی نااہلی ہے۔

انہوں نے کہاکہ بڑی بڑی باتیں کرکے اقتدار حاصل کرنے والے عمران خان کہ پاس بحرانوں کے حل کے لیے نہ کوئی وژن ہے اور نہ کوئی منصوبہ، قوم مہنگائی کی صورت میں تبدیلی کی وہ خوف ناک قیمت ادا کررہی ہے جس کا ازالہ اگلی کئی حکومتوں کو کرنا ہوگا۔