تازہ ترین
  • بریکنگ :- لندن:رائل ملٹری اکیڈمی سینڈہرسٹ میں پاسنگ آؤٹ پریڈ
  • بریکنگ :- لندن:آرمی چیف جنرل قمرجاویدباجوہ تقریب میں شریک
  • بریکنگ :- لندن:آرمی چیف جنرل قمرجاویدباجوہ نےپریڈکامعائنہ کیا
  • بریکنگ :- لندن:آرمی چیف جنرل قمرجاویدباجوہ کوسلامی دی گئی
  • بریکنگ :- جنرل قمرجاویدباجوہ پریڈمیں شرکت کرنیوالےپاک فوج کےپہلےسربراہ ہیں
  • بریکنگ :- پاسنگ آؤٹ پریڈمیں 41 غیرملکی کیڈٹس پا س آؤٹ ہورہےہیں
  • بریکنگ :- پی ایم اےکے 2کیڈٹس عبداللہ اورمجتبیٰ بھی پاس آؤٹ ہونیوالوں میں شامل

سبی : سکیورٹی فورسز کا آپریشن، 6 دہشتگرد ہلاک، سپاہی شہید

Published On 26 March,2022 07:28 pm

راولپنڈی: (دنیا نیوز) بلوچستان میں امن دشمنوں کیخلاف سکیورٹی فورسز کی کارروائی کے دوران 6 دہشتگرد ہلاک ہو گئے، سپاہی نثار شہادت کے رتبے پر فائز ہو گئے۔

پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق سکیورٹی فورسز نے دہشتگردوں کی موجودگی کی اطلاع پر سبی کے نگو پہاڑی کے علاقے کے قریب آپریشن کیا۔

بیان کے مطابق سکیورٹی فورسز نے کلیئرنس آپریشن شروع کیا تو دہشتگرد گھیرے میں آ گئے، اسی دوران امن دشمنوں نے بھاگنے کی کوشش کی، بھاگتے ہوئے دہشتگردوں نے سکیورٹی فورسز پر فائرنگ کی۔

آئی ایس پی آر کے مطابق سکیورٹی فورسز کے ساتھ فائرنگ کے تبادلے میں بی این اے سے تعلق رکھنے والے 6 دہشتگرد ہلاک ہو گئے۔ ہلاک ہونے والوں میں پیر جان، راکئی کلھوئی، نصیب اللہ بنگلزئی عرف جہانگیر شامل ہیں۔

بیان کے مطابق ہلاک ہونے والے دہشتگرد سبی اور اس کے ارد گرد کے علاقوں میں کارروائیوں میں ملوث تھے جبکہ یہ دہشتگرد 20 جنوری کو لاہور کے علاقے انارکلی میں ہونے والے دہشتگردانہ حملے میں بھی ملوث تھے۔ آپریشن کے دوران پاک فوج کے سپاہی نثار نے شہادت کو گلے لگا لیا جبکہ دو سکیورٹی اہلکار بھی زخمی ہوئے۔

آئی ایس پی آر کے مطابق آپریشن کے دوران اسلحہ اور گولہ بارود بھی برآمد ہوا جو دہشت گردوں کی جانب سے علاقے میں امن و امان کو خراب کرنے کے لیے استعمال کرنا تھا۔

بیان کے مطابق قوم کے ساتھ ملکر سکیورٹی فورسز بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔