تازہ ترین
  • بریکنگ :- ہماری جنگ انصاف لینے کے لیے ہے،عمران خان
  • بریکنگ :- ہماری جدوجہد چھوٹے سے ٹولے کے خلاف ہے،عمران خان
  • بریکنگ :- چھوٹا ساٹولہ چوری کرتا ہے اورپھراین آراومانگتاہے،عمران خان
  • بریکنگ :- یہ اربوں روپے کی چوری معاف کرالیتے ہیں،عمران خان
  • بریکنگ :- شہبازگل کےڈرائیورکی اہلیہ کوگھرسےاٹھالیا گیا،چھوٹی بچی روتی رہی،عمران خان
  • بریکنگ :- لاہورمیں آزادی کا جشن منائیں گے،عمران خان

عمران خان کو چھوٹ ملنی چاہیے، اس نے جو کرنا ہے کرلے: خواجہ آصف

Published On 10 May,2022 06:23 pm

اسلام آباد: (دنیا نیوز) وفاقی وزیر دفاع خواجہ آصف نے کہا ہے کہ پاکستان تحریک انصاف (پی ٹی ائٓی) کے چیئر مین اور سابق وزیراعظم عمران خان کو چھوٹ ملنی چاہیے، اس نے جو کرنا ہے کرلے۔

میڈیا سے گفتگو کے دوران وفاقی وزیر دفاع نے کہا کہ لندن میں کوئی بڑا اجلاس نہیں، خیرسگالی ملاقات کے لئے جا رہے ہیں جب سے حلف اٹھایا ہے ہم سوچ رہے تھے اپنے قائد میاں محمد نواز شریف سے ملاقات کریں، آج رات 8 سے 10 لوگ نجی دورے پر لندن جارہے ہیں۔

انہوں نے کہا کہ ہمارا لندن کا دورہ سیاسی نہیں، ہمارے قائد وہاں ہیں، احترام میں ان سے ملاقات کرنے لندن جارہے ہیں، ہماری ملاقات کرٹسی کے طور پر ہو گی، ان سے مشاورت بھی کریں گے، کوئی خصوصی ایجنڈا لے کر نہیں جارہے ہیں۔ قائد سے سیاسی مشاورت کریں گے، ان سے ہدایات لیں گے۔ انے والے دنوں میں کیا حکمت عملی ہونی چاہیے اس پر بھی بات کریں گے۔

صحافی نے سوال پوچھا کہ موجودہ حالات میں یہ ملاقات غیر معمولی ہوسکتی ہے، جس پر جواب دیتے ہوئے خواجہ آصف نے کہا کہ کوئی غیر معمولی ملاقات نہیں، میں کارکن ہوں، کیا غیرمعمولی بات کروں گا۔

صحافی نے ایک اور سوال کیا کہ سنا ہے عمران خان کو چھوٹ ملنے پر نوازشریف کو تحفظات ہیں،جس پر جواب دیتے ہوئے وزیر دفاع نے کہا کہ عمران خان کو چھوٹ ملنی چاہیے، اس نے جو کرنا ہے کرلے۔