اسلام آباد: (دنیا نیوز) وزیراعظم کی ہدایت پر کفایت شعاری پالیسی سے متعلق مانیٹرنگ کمیٹی کا نوٹیفکیشن جاری کر دیا گیا۔
مانیٹرنگ کمیٹی میں اسحاق ڈار، رانا تنویر حسین، سید امین الحق، اعظم نذیر تارڑ، طارق بشیر چیمہ، قمر زمان کائرہ، ہاشم نوتیزئی شامل ہیں۔
کمیٹی کفایت شعاری سے متعلق کابینہ فیصلوں کے نفاذ کا جائزہ لے گی۔
ہر وفاقی وزارت، ڈویژن و محکمے کا پرنسپل اکاؤنٹنگ افسر فیصلوں کے نفاذ کے حوالے سے کل تک تجاویزپیش کرے گا۔
یاد رہے کہ وفاقی حکومت نے قومی کفایت شعاری کے اقدامات کے نفاذ کے لیے کمیٹی تشکیل دی تھی۔
