مظفرآباد: (دنیا نیوز) وزیر اعظم آزاد کشمیر انوار الحق نے کہا ہے کہ وفاقی حکومت نے آزاد کشمیر کو چار ارب 70 کروڑ روپے کے ترقیاتی فنڈز جاری کئے۔
انوار الحق کا مزید کہنا تھا کہ ساڑھے 12 ارب روپے کی دوسری قسط اگلے ماہ جاری کی جائے گی، آزاد کشمیر کی تعمیر و ترقی میں وفاقی حکومت بھر پور کردار ادا کرے گی۔
وزیر اعظم آزاد کشمیر نے کہا کہ ترقیاتی فنڈز ملنے سے آزاد کشمیر کے درجنوں بند ترقیاتی منصوبوں پر دوبارہ کام شروع ہو گا، ترقیاتی فنڈز جاری کرنے پر وفاق کے شکر گزار ہیں۔
انوار الحق نے کہا کہ پاکستان نے مشکل مالی حالات میں بھی آزاد کشمیر کے ساتھ فراخدلی کا مظاہرہ کیا۔
