کراچی : ( دنیا نیوز ) گورنر سندھ کامران ٹیسوری نے کہا ہے کہ ایک سازش کے تحت ملک میں بد امنی پھیلانے کی کوشش کو ناکام بنانے پر افواج پاکستان کو خراج تحسین پیش کرتا ہوں۔
کراچی میں پریس کانفرنس کرتے ہوئے گورنر سندھ کا کہنا تھا کہ پاکستان تحریک انصاف ( پی ٹی آئی ) کے کارکنوں نے سرکاری املاک کو نقصان پہنچایا، اس کے باوجود سکیورٹی اداروں نے صبر و تحمل کا مظاہرہ کیا۔
کامران ٹیسوری کا کہنا تھا کہ پاکستان تحریک انصاف کی قیادت ہیجانی مسائل کا شکار ہے اور سازش کے تحت ملک میں بدامنی پھیلانے کی کوشش کی جا رہی ہے۔
انہوں نے چیئرمین پی ٹی آئی عمران خان پر تنقید کرتے ہوئے کہا کہ لوگوں کے بچوں کو سڑکوں پر لانے والے کے اپنے بچے لندن میں ہیں۔
