انقرہ : ( دنیا نیوز ) وزیر اعظم شہباز شریف ترکیہ کے 2 روزہ دورے پر ترک دارالحکومت انقرہ پہنچ گئے۔
وزیر اعظم کے ہمراہ وفاقی وزیر اطلاعات مریم اورنگزیب اور معاون خصوصی طارق فاطمی بھی ترکیہ پہنچے جبکہ ترکیہ میں پاکستان کے سفیر اور دیگر اعلیٰ سفارتی حکام نے انقرہ ایئرپورٹ پر ان کا استقبال کیا۔
PM Shehbaz Sharif arrives in Ankara on his two day official visit to attend inauguration ceremony of President Recep Tayyip Erdogan. High officials from Turkish Foreign Ministry & Mission in received PM upon his arrival at Esenboga Airport, Ankara. #PMShehbazinTurkiye pic.twitter.com/ex0EZvQIw6
— Prime Minister s Office (@PakPMO) June 2, 2023
شہباز شریف ترکیہ کے صدر رجب طیب اردوان کی دعوت پر انقرہ میں صدارتی حلف برداری کی تقریب میں شرکت کریں گے۔
ترکیہ کے نومنتخب صدر رجب طیب اردوان کی تقریب حلف برداری آج منعقد ہو گی، وزیر اعظم کی دورہ ترکیہ کے دوران ترک صدر اور دیگر اہم شخصیات سے بھی ملاقات ہو گی۔
واضح رہے کہ اتوار کو ترکیہ کے صدارتی انتخاب کے حتمی مرحلے میں صدر رجب طیب اردوان نے کامیابی حاصل کی اور وہ مسلسل تیسری بار صدر منتخب ہوئے ہیں۔
