اسلام آباد: (دنیا نیوز) نگران وفاقی کابینہ کا اعلان کر دیا گیا، ایوان صدر میں نگران کابینہ کی تقریب حلف برداری ہوئی، جس میں وزرا نے حلف اٹھایا۔
صدر مملکت ڈاکٹر عارف علوی نے نگران وفاقی وزرا سےعہدے کا حلف لیا، نگران وزیراعظم انوار الحق کاکڑ نے بھی تقریب میں شرکت کی۔
جلیل عباس جیلانی وزیر خارجہ، مرتضی سولنگی وزیر اطلاعات ہوں گے، سرفراز بگٹی کے پاس داخلہ، سمندر پار پاکستانی اور انسداد منشیات کی وزارتیں ہوں گی، لیفٹیننٹ جنرل ریٹائرڈ انور علی حیدر دفاع اور دفاعی پیداوار کے وزیر ہوں گے۔
احمد عرفان اسلم قانون و انصاف، قدرتی وسائل موسمیاتی تبدیلی اور آبی وسائل، محمد علی توانائی، پاور اور پٹرولیم کے وزیر ہوں گے، شمشاد اختر کے پاس خزانہ، محصولات، اقتصادی امور، شماریات اور نجکاری کے قلمدان ہوں گے۔
گوہر اعجاز تجارت، ٹیکسٹائل، صنعت اور پیداوار کے وفاقی وزیر ہوں گے، ڈاکٹر عمر سیف کے پاس انفارمیشن ٹیکنالوجی اور سائنس و ٹیکنالوجی کے قلمدان ہوں گے، سمیع سعید منصوبہ بندی اور ترقی کے وفاقی وزیر ہوں گے، جمال شاہ کے پاس قومی ورثہ اور ثقافت کا قلمدان ہو گا۔
مدد علی سندھی وفاقی وزیر تعلیم، قومی ہم آہنگی اور امور نوجوانان ہوں گے، ڈاکٹر ندیم جان قومی صحت کے وفاقی وزیر ہوں گے، خلیل جارج انسانی حقوق اور وومن ایمپاورمنٹ کے وفاقی وزیر ہوں گے۔
انیق احمد کے پاس مذہبی امور، بین المذاہب ہم آہنگی کے قلمدان ہوں گے، شاہد اشرف تارڑ وفاقی وزیر مواصلات، ریلوے، پوسٹل سروسز بندرگاہیں اور بحری امور کے وزیر ہوں گے۔
مشیران
ایئر مارشل ریٹائرڈ فرحت حسین مشیر برائے ہوا بازی ہوں گے، احد چیمہ وزیراعظم کے مشیر برائے اسٹیبلشمنٹ ہوں گے، وقار مسعود خان کو مشیر برائے خزانہ مقرر کر دیا گیا، ایئر مارشل ریٹائرڈ فرحت حسین اور احد چیمہ کا عہدہ وفاقی وزیر جبکہ وقار مسعود کا عہدہ وزیر مملکت کے برابر ہو گا۔
معاونین خصوصی
نگران وفاقی کابینہ میں 6 معاونین خصوصی بھی مقرر کرنے کا فیصلہ کیا گیا ہے جس کے مطابق مشال حسین ملک معاون خصوصی برائے انسانی حقوق اور وومن ایمپاورمنٹ ہوں گی، جواد سہراب ملک معاون خصوصی برائے سمندر پار پاکستانی ہوں گے۔
وائس ایڈمرل ریٹائرڈ افتخار راؤ بحری امور کے معاون خصوصی ہوں گے، وصی شاہ معاون خصوصی برائے سیاحت ہوں گے، ڈاکٹر جہانزیب خان معاون خصوصی برائے ایس آئی ایف سی ہونگے، سیدہ عارفہ زہرا معاون خصوصی برائے تعلیم اور قومی ہم آہنگی ہوں گی۔
نوٹیفکیشن جاری
وفاقی وزرا اور مشیروں کو سونپے گئے قلمدانوں کا نوٹیفکیشن جاری کردیا گیا، وزیر اعظم کی منظوری کے بعد وزیر اعظم آفس نے نوٹیفکیشن جاری کیا، 16 وفاقی وزراء، 3 مشیروں اور معاونین خصوصی کو قلمدان سونپ دیا گیا۔
