اسلام آباد: (دنیا نیوز) امریکہ نے پاکستانی ویزا درخواست گزاروں کے لئے اپوائنٹمنٹ کے انتظار میں کمی کا اعلان کر دیا۔
امریکی سفارتخانے نے نان امیگرینٹ ویزا کے لئے 2024 میں طے شدہ اپوائنٹمنٹس 2023 میں مقرر کرنے کا اعلان کیا، امریکی سفارتخانے کے مطابق 10 ہزار سے زائد پاکستانی درخواست گزاروں کو انٹرویو اپوائنٹمنٹ میں وقت کی تبدیلی کا پیغام موصول ہو جائے گا، درخواست گزار اپنی اپوائنٹمنٹ منسوخ کر کے امریکی قونصل خانے کراچی یا اسلام آباد سے خود بھی رجوع کر سکتے ہیں۔
امریکی سفارتخانے نے مزید کہا پاکستان سے امریکی ویزوں کی طلب اب تک کی بلند ترین سطح پر پہنچ گئی ہے، یہ اقدامات امریکہ اور پاکستان کی باہمی شراکت کو اہمیت دیئے جانے کی عکاسی کرتے ہیں۔
