پشاور: (دنیا نیوز) خیبرپختونخوا اسمبلی میں اپوزیشن جماعتوں نے مخصوص نشستوں پر حلف نہ لینے کیخلاف درخواست دائر کردی۔
خیبرپختونخوا اسمبلی کا اجلاس نہ بلانے اور مخصوص نشستوں پر حلف نہ لینے کا معاملہ پشاور ہائی کورٹ میں پہنچ گیا۔
اپوزیشن جماعتوں نے مخصوص نشستوں پر حلف نہ لینے کے خلاف درخواست دائر کر دی، درخواست ن لیگ، پی پی پی اور اقلیتی امیدواروں کی جانب سے دائر کی گئی ہے۔
درخواست طارق آفریدی ایڈووکیٹ کی وساطت سے دائر کی گئی ہے جس میں موقف اختیار کیا گیا ہے کہ اسمبلی اجلاس بلایا جائے اور مخصوص نشستوں پر حلف لیا جائے۔
