کراچی: (دنیا نیوز) محفل مرتضیٰ پی ای سی ایچ سوسائٹی کشمیر روڈ میں جشن عید میلادالنبی صلى الله عليه وسلم واتحاد بین المسلمین کا جلسہ منعقد ہوا۔
جلسے میں تلاوت کلام پاک قاری شکور علی جبکہ پروگرام میں تمام مکاتب فکر کے اکابرین ،اسکالر اور علماء و ذاکرین ونعت خواں حضرات نے بھر پور شرکت کی، اتحاد بین المسلمین کے اس عالمگیر جلسے میں برہان الدین مرثیہ والا نے نعت رسول مقبول پیش کی۔
حسب سابقہ مذاکرہ میں مولانا اصغر درس، علامہ رضی جعفر نقوی ، عطاء ساوجہ اور شیخ مصطفی فخر الدین انجار والا نے اسلامی معاشرے کی تشکیل کے عنوان پر روشنی ڈالی۔
.jpg)
محفل مرتضیٰ کی محافل کی جان قاری وحید ظفر قاسمی نے بحضور سرور کائنات نذرانہ عقیدت پیش کیا ، اس کے بعد جذیر بشیر مرثیہ والا نے بھی نعت خوانی کی۔
بعد ازاں صاحبزادہ شاہ حسین الدین رحمانی نے درود و سلام پیش کیا، تقریب میں بوہرا کمیونٹی کے اکابرین نے خصوصی شرکت کی۔
تقریب میں علماء و معززین اور اکابرین کو اعزازی شیلڈز بھی دی گئیں، میزبانی کے فرائض شاہد بادامی نے انجام دیئے، بعد ازاں محفل مرتضیٰ کے اراکین نے مہمانوں اور شر کا محفل کا شکریہ ادا کیا۔
