الحمرا آرٹس کونسل لاہور ہونے والے سیشن میں ماحولیات پر خطاب کرتے ہوئے ذوالفقار علی بھٹو جونیئر کا کہنا تھا کہ ہر ایک کو گھر میں باغبانی کرنی چاہیے، غذا کی قلت اور سیلاب مستقبل کے خطرات ہیں۔

اُنہوں نے کہا ہم سب ماحول کا حصہ ہیں یہ ہماری دھرتی ہے، ماحول کا ہماری زندگی پر براہ راست اثر ہے، ہر سندھی چھ نہروں پر جذباتی تھا، ہر منصوبہ اشرافیہ کے لئے ہے۔

ذوالفقار علی بھٹو جونیئر کا مزید کہنا تھا کہ ماحولیاتی ایشوز معیشت کے ساتھ منسلک ہونے چاہیئں، پاکستان اپنی شناخت کی تلاش میں ہے، ہم مختلف قومیں یا قومی اتحاد ہیں، دریائے سندھ اور راوی ہماری پہچان ہیں، ماحولیات کو قومی ایشو بنائیں، ماحولیات حب الوطنی کا حصہ ہے اسے منائیں۔

واضح رہے تھنک فیسٹ 2026 تین روز تک جاری رہے گا، جس میں ملکی اور عالمی سیاسی و سماجی صورتِ حال کو ماہرین موضوع بحث بنائیں گے۔