تقریب سے خطاب کرتے ہوئے وزیراعظم شہباز شریف نے کہا کہ ملکی ترقی کے لیے دن رات کوشاں ہیں، پنشنرز کے لیے نیا نظام بڑی خدمت ہے۔

وزیراعظم نے کہا کہ سب کو دل کی گہرائیوں سے مبارکباد پیش کرتا ہوں، وزیر خزانہ اور ڈاکٹر توقیر کو مبارکباد پیش کرتا ہوں، چیئرمین نادرا نے شاندار کام کیا۔

شہباز شریف نے کہا کہ نئے بائیومیٹرک اور چہرے کا تصدیقی نظام انسانیت کی خدمت ہے، نئے نظام سے بزرگوں اور معذوروں کو آسانی ہوگی۔

وزیراعظم نے کہا کہ نئے نظام سے پنشنرز کے بینکوں کے چکر ختم ہوجائیں گے، نادرا کی جانب سے جدید پنشن ایپ اور تصدیقی نظام مفت فراہم کیا گیا ہے۔