تازہ ترین
  • بریکنگ :- حکومت اپنی آئینی مدت پوری کرےگی،وفاقی وزیراحسن اقبال
  • بریکنگ :- وزیراعظم سےوفاقی وزیرمنصوبہ بندی احسن اقبال کی ملاقات
  • بریکنگ :- سی پیک کےحوالےسےچینی کمپنیوں کےمسائل سےمتعلق گفتگو
  • بریکنگ :- چین پاکستان کامخلص دوست ہے،وزیراعظم شہبازشریف
  • بریکنگ :- سی پیک گیم چینجرمنصوبہ ہے،وزیراعظم شہبازشریف

ہاکی فائیو میں بھی پاکستان کی کامیابی کےروشن امکانات ہوسکتے ہیں: ریحان بٹ

Published On 10 May,2022 06:13 pm

لاہور: (ویب ڈیسک) پاکستان کے سابق اولمپئن اور کوچ ریحان بٹ نے کہا ہے کہ ٹی ٹوئنٹی کرکٹ کی طرح ہاکی فائیو میں بھی پاکستان کی کامیابی کےروشن امکانات ہوسکتے ہیں۔

قومی ٹیم کے کوچ نے کہا یہ تیز ترین اور نیا فارمیٹ میں ہے جس میں بال میدان سے باہر نہیں جاتی اور سب کھلاڑیوں کو ہر وقت متحرک رہنا پڑتاہے۔ گولز کی تعداد زیادہ ہونے سے فینزبھی اس میں گہری دلچسپی لیں گے۔

انہوں نے کہا پاکستان کی ہاکی ٹیم سوئٹزر لینڈ کے شہرلوزانے میں ہاکی فائیو ٹورنامنٹ میں حصہ لے رہی ہے۔ یقین ہےکہ اس فارمیٹ میں ہمارے کھلاڑی بہت کچھ سیکھنے اور زیادہ بہتر پرفارمنس دینے کے قابل ہوں گے۔

ریحان بٹ نے مزید کہا کہ کیمپ کے پہلے مرحلے میں فٹنس پر توجہ دی گئی، اب آخری مرحلے میں اسکلز ورک پر زیادہ فوکس کیاجارہاہے۔ اس وقت کیمپ میں 15 کھلاڑی ہیں جن میں حتمی 9 رکنی ٹیم کا انتخاب ہوگا۔

ان کا کہنا تھا کہ ایونٹ میں بھارت اور ملائیشیا کے ساتھ پولینڈ اور سوئٹزرلینڈ کی ٹیمیں حصہ لے رہی ہیں، کوشش ہوگی کہ بھارت اور ملائیشیا کو ہراکر فائنل میں جگہ بنائیں۔