بیجنگ : (ویب ڈیسک ) انگلینڈ کے بین الاقوامی شہرت یافتہ ٹینس سٹار اور سابق عالمی نمبر ایک اینڈی مرے زوہائی ٹینس چیمپئن شپ میں مردوں کے سنگلز مقابلوں کا فاتحانہ آغاز کرتے ہوئے دوسرے راؤنڈ میں پہنچ گئے۔
چین کے صوبے گوانگ ڈانگ کے شہر زوہائی میں جاری اے ٹی پی اوپن ٹینس چیمپئن شپ میں کھیلے گئے مردوں کے سنگلز مقابلوں کے پہلے راؤنڈ میں اینڈی مرے نے شاندار کارکردگی کا مظاہرہ کیا ۔
36 سالہ ٹینس سٹار نے وائلڈ کارڈ پر انٹری حاصل کرنے والے چین کے یی کونگ مو کو سٹریٹ سیٹس میں 5-7اور3-6سے شکست دے کر نہ صرف چیمپئن شپ کا فاتحانہ آغاز کیا بلکہ دوسرے راؤنڈ کے لئے کوالیفائی کرلیا۔
واضح رہے کہ اے ٹی پی ٹینس چیمپئن شپ کے دوسرے راؤنڈ میں فاتح اینڈی مرے کا مقابلہ روس کے اسلان کاراتسیو سے ہوگا۔
