خلاصہ
- لاہور: (دنیا نیوز) پاکستان سپر لیگ (پی ایس ایل) 11 کے پلیئرز آکشن کے لیے قذافی سٹیڈیم لاہور میں ورکشاپ کا انعقاد کیا گیا۔
پلیئرز آکشن کے لیے تمام اسٹیک ہولڈرز کو ورکشاپ میں مدعو کیا گیا، جس کا مقصد طریقہ کار سے آگاہی فراہم کرنا ہے۔
چیئرمین پاکستان کرکٹ بورڈ (پی سی بی ) محسن نقوی نے بھی ورکشاپ میں شرکت کی اور پلیئرز کو فرنچائز میں برقرار رکھنے کی تعداد کے حوالے سے مشاورت کی۔
چیئرمین پی سی بی محسن نقوی نے کہا کہ تمام فرنچائزز کو یکساں لیول پلیئنگ فیلڈ دی جائے گی، چیف ایگزیکٹیو آفیسر پی ایس ایل سلمان نصیر نے آکشن ورکشاپ کےخدوخال کے بارے میں بریف کیا۔
پی ایس ایل 11 کی ورکشاپ سے کرکٹرز کی کیٹیگری اور بیس پرائس کا تعین ہو سکے گا، جس میں فرنچائزز نمائندگان کے ساتھ قومی کرکٹرز بھی شریک ہوئے۔
ورکشاپ میں سلمان علی آغا، بابر اعظم، حسن علی، فخر زمان، شاداب خان، فہیم اشرف، سلمان مرزا، شاہین شاہ آفریدی، حسن نواز، نسیم شاہ، عثمان خان، وسیم جونیئر اور محمد نواز نے شرکت کی۔
