کھیل
خلاصہ
- دبئی: (دنیا نیوز) انٹرنیشنل کرکٹ کونسل (آئی سی سی) کی سالانہ کانفرنس 8 سے 11 جولائی تک ایڈنبرا، اسکاٹ لینڈ میں منعقد ہوگی، جس میں رکن ممالک کے چیف ایگزیکٹوز اور بورڈ سربراہان شرکت کریں گے۔
ذرائع کے مطابق آئی سی سی کی سالانہ کانفرنس کی صدارت چیئرمین جے شاہ کریں گے، جبکہ پاکستان کرکٹ بورڈ (پی سی بی) کے چیف آپریٹنگ آفیسر سُمیر احمد سید بھی اجلاس میں پاکستان کی نمائندگی کریں گے۔
ذرائع کا کہنا ہے کہ پاکستان کرکٹ بورڈ کے چیئرمین محسن نقوی کی بھی بورڈ میٹنگ میں شرکت کا قوی امکان ہے۔
کانفرنس کے دوران ٹیسٹ چیمپئن شپ 2027-29 کے مجوزہ فیوچر ٹورز پروگرام (ایف ٹی پی)، دوطرفہ سیریز، ون ڈے کرکٹ کے مستقبل اور دنیا بھر میں کھیلے جانے والے فرنچائز ٹورنامنٹس سے متعلق اہم امور پر تبادلہ خیال کیا جائے گا۔
