نجم الحسن شنٹو بنگلا دیشی ٹیم کے ساتھ ناگویا پہنچنے کے بعد سے بخار میں مبتلا ہیں اور گزشتہ چار روز سے ان کی طبیعت ناساز ہے۔

بنگلا دیش ٹیم کے فزیو بیجدال اسلام خان کے مطابق شنٹو مسلسل بخار کے باعث کمزوری کا شکار ہیں اور ایشین گیمز میں مزید کھیلنے کے لیے بروقت صحت یاب ہونے کی توقع نہیں، جس کے باعث انہیں وطن واپس بھیجنے کا فیصلہ کیا گیا ہے۔

واضح رہے کہ ایشین گیمز میں آج بنگلا دیش اور ملائیشیا کے درمیان طے شدہ کوارٹر فائنل بارش کے باعث منسوخ کردیا گیا جس کے باعث بہتر رینکنگ کی بنیاد پر بنگلا دیش نے سیمی فائنل کے لیے رسائی حاصل کرلی۔

ایشین گیمز میں کرکٹ کے دونوں سیمی فائنلز یکم اکتوبر کو کھیلے جائیں گے جس میں پہلا میچ پاکستان اور بنگلا دیش کے درمیان کھیلا جائے گا جبکہ اگلا سیمی فائنل بھارت اور سری لنکا کے درمیان شیڈول ہے۔