کیلیفورنیا: (روزنامہ دنیا) امریکی ریاست کیلیفورنیا میں سانتا کلاز کا روپ دھارنے والا شخص بجلی کے ہائی وولٹیج تاروں میں پھنس گیا۔
شہری نے کرسمس کی آمد کے پیش نظر سانتا کلاز کے کپڑے زیب تن کئے اور بچوں میں ٹافیاں تقسیم کرنے کیلئے نکلا۔ سانتا کلاز نے فضا سے ٹافیاں تقسیم کرنے کا ارادہ کیا جس کیلئے اُس نے اپنا ذاتی ایئر کرافٹ استعمال کیا۔
سانتا کلاز نے ہزاروں فٹ بلندی سے چھلانگ لگائی اور پیرا شوٹ کی مدد سے ہوا میں اڑتے ہوئے بچوں کیلئے ٹافیاں پھینکیں کہ اسی دوران اُس کا پیرا شوٹ بجلی کے تاروں میں پھنس گیا۔
A paragliding Santa delivering sweets is rescued after getting stuck in power lines pic.twitter.com/ABwwLJAP1v
— The Sun (@TheSun) December 22, 2020
محکمہ فائر بریگیڈ کے رضاکاروں نے کرین اور سیڑھی کی مدد سے تاروں میں پھنسے سانتا کلاز کو ریسکیو کیا اور پھر اُسے ہسپتال منتقل کیا۔ خوش قسمتی سے سانتا کلاز کو حادثے میں معمولی چوٹیں آئیں۔
