لیکسنگٹن: (ویب ڈیسک) امریکا میں بچے نے ماں کے فون سے کھیلنے کے دوران اچانک 70 ہزار ڈم ڈم لالی پاپ ایمازون کو آرڈر کر دیئے۔
غیر ملکی میڈیا کی رپورٹس کے مطابق لیکسنگٹن کی رہائشی ہولی لا فاورز نے سوشل میڈیا پر کہا کہ وہ اپنی دہلیز پر ڈم ڈمز کے 30 پیکٹ دیکھ کر حیران رہ گئیں جن میں سے ہر ایک میں 2340 لالی پاپ موجود تھے۔
لیام جو دوسری جماعت میں ہے، انہوں نے اعتراف کیا کہ اس نے ہفتے کے آخر میں اپنے فون کے ساتھ کھیلتے ہوئے آرڈر دیا تھا۔
ڈم ڈمز کا ہر کیس 130 ڈالرز کا ہوتا ہے جس سے لیام کی کل خریداری 4,200 ڈالر بنتی ہے۔
ایمیزون نے ابتدائی طور پر لافیورز کو 30 میں سے آٹھ کیسز واپس کرنے کی اجازت دینے پر اتفاق کیا، اس لئے اس نے دوسروں کو دوستوں اور پڑوسیوں کو فروخت کرنے کی کوشش شروع کی۔
اس نے بعد میں ایک اپ ڈیٹ میں کہا کہ ایمازون نے بعد میں ان سے رابطہ کر کے تمام پیکٹس واپس لینے پر رضامندی ظاہر کی۔
انہوں نے لکھا ہر ایک کا شکریہ جنہوں نے ہماری مدد کیلئے ایک باکس خریدنے کی پیشکش کی۔
