خبر ایجنسی کے مطابق نگچو نامی علاقے میں واقع اس ہوٹل کے سکیورٹی کیمرے میں ہفتے کے روز ریچھ ہوٹل کی ایک راہداری میں گھومتا ہوا نظر آیا اور پھر ایک کمرے میں جہاں مہمان موجود تھے دروازے کو زور لگا کر توڑتے ہوئے اندر داخل ہو گیا۔

کمرے میں موجود مہمانوں نے بتایا کہ وہ چند سیکنڈ تک ریچھ کو دیکھتے رہے، جس کے بعد وہ خود ہی کمرے سے باہر نکل گیا، اسی دوران ہوٹل کے مالک نے ٹارچ اور دیگر آلات کی مدد سے ریچھ کو ڈرایا اور عمارت سے باہر بھگا دیا۔

بعدازاں ہوٹل انتظامیہ نے توڑے گئے دروازے کی مرمت کرتے ہوئے کہا کہ آئندہ ریچھوں کو ہوٹل کے اندر آنے سے روکنے کیلئے مزید سخت حفاظتی اقدامات کیے جا رہے ہیں۔