ٹوکیو: (دنیا نیوز) جاپان کے جزیرے ہوکائیدو میں زلزلے سے ہلاکتوں کی تعداد 30 ہو گئی، 9 افراد تاحال لاپتہ ہیں۔
جاپان کے جزیرے ہوکائیدومیں تین روز پہلے 6.7 شدت کے زلزلے نے تباہی مچا دی، زلزلے سے لینڈ سلائیڈنگ کے واقعات بھی پیش آئے جبکہ ہزاروں افراد بجلی سے محروم ہو گئے۔ حکام کے مطابق زلزلےسے ہلاکتوں کی تعداد 30 ہوگئی ہے، 9 افراد لاپتہ جبکہ 400 زخمی ہیں جن کا ہسپتالوں میں علاج جاری ہے۔ حکومت کے بحالی اداروں نے تباہ حال علاقوں میں تعمیرومرمت کا کام شروع کر دیا ہے۔
