تازہ ترین
  • بریکنگ :- مذاکرات کاآغاز 5ماہ کےتعطل کےبعدہواہے،خبرایجنسی
  • بریکنگ :- یورپی یونین کےوفدکےترجمان کی مذاکرات کےآغازکی تصدیق،خبرایجنسی
  • بریکنگ :- ایران اورعالمی طاقتوں میں جوہری مذاکرات کاآغاز،خبرایجنسی

یو اے ای کا باصلاحیت غیر ملکی شہریوں کو شہریت دینے کا اعلان

Published On 30 January,2021 04:19 pm

دبئی: (ویب ڈیسک) متحدہ عرب امارات (یو اے ای) نے غیرملکی تاجروں، طبی ماہرین، سائنسدانوں، مصنفین اور باصلاحیت ہنر مند افراد کو شہریت دینے کا اعلان کیا ہے۔

واضح رہے کہ متحدہ عرب امارات میں ہونے والی قانون میں اس ترمیم میں غیرملکی کے لیے دہری شہریت رکھنے کا آپشن بھی شامل ہے۔ اس ترمیم کا مقصد غیر معمولی صلاحیتوں کے حامل افراد کو ملک کی ترقی اور تعمیر میں شامل کرنا اور ان افراد کے معاشرتی استحکام کو یقینی بنانا ہے۔

ٹوئٹر پر وزیراعظم محمد بن راشد المکتوم نے غیرملکیوں کو شہریت دینے کا اعلان کرتے ہوئے لکھا کہ ہم نے قوانین میں ترمیم کی ہیں جن کے تحت سرمایہ کار، طبی ماہر، سائنسدان، انجینیئر، آرٹسٹ، مصنف یا خصوصی صلاحیتوں کے حامل غیر ملکیوں اور ان کے اہل خانہ کو شہریت دی جائے گا۔

متحدہ عرب امارات کے نائب صدر نے اپنی ایک اور ٹویٹ میں طریقہ کار بتاتے ہوئے لکھا کہ متحدہ عرب امارات کی کابینہ، اماراتی عدالتیں اور ایگزیکیٹو کونسلز مذکورہ شعبہ جات سے تعلق رکھنے والے غیرملکیوں کو شہریت کے لیے نامزد کریں گی جب کہ امارات کی شہریت حاصل کرنے والے غیرملکیوں کو اپنے وطن کی شہریت رکھنے کی بھی اجازت ہو گی۔