تازہ ترین
  • بریکنگ :- مردان : وفاقی حکومت مدت پوری کرے گی، مولانا فضل الرحمان
  • بریکنگ :- قوم کوفارن فنڈنگ کیس کے فیصلے کاانتظارہے،مولانافضل الرحمان
  • بریکنگ :- شیریں مزاری کی گرفتاری پرانی ایف آئی آرکےتحت ہوئی، فضل الرحمان
  • بریکنگ :- ملکی استحکام کیلئے قومی یکجہتی کا مظاہرہ کرنا ہوگا،مولانا فضل الرحمان
  • بریکنگ :- ملک کوعمران خان دورکی تباہ کاریوں سےنکالناچیلنج ہے،فضل الرحمان

امریکی فوج کے ہزاروں اہلکاروں کا کورونا ویکسین لگوانے سے انکار

Published On 18 February,2021 04:59 pm

نیو یارک: (ویب ڈیسک) امریکی فوج کے ہزاروں اہلکاروں نےکورونا وائرس کی ویکسین لگوانے سے صاف انکار کر دیا ہے۔

امریکی میڈیا کے مطابق امریکی کانگریس کو دی گئی بریفنگ کے دوران آرمز فورسز کمانڈ کے سرجن بریگیڈیئر جنرل ایڈورڈ بیلی نے کہا کہ فوج کی بعض یونٹس میں صرف 30 فیصد اہلکاروں نے ویکسین لگانے پر رضا مندی ظاہر کی ہے جبکہ دیگر یونٹس میں یہ تعداد کہیں 50 اور کہیں 70 فیصد ہے۔

اپنی بات کو جاری رکھتے ہوئے انہوں نے کہا کہ ویکسین لگانے پر رضامندی ظاہر کرنے والوں کی تعداد اتنی نہیں ہے جسکی توقع کر رہے تھے، اہلکاروں کی جانب سے سب سے زیادہ یہ سننے کو ملا ہے کہ جب فوج نے اسے خود ویکسین لگانے کے انتخاب کا موقع دیا ہے تو میرا فیصلہ ویکسین نہ لگوانے کا ہے۔ ہم ویکسین سے متعلق اہلکاروں کو آگاہی دینے اور انہیں ویکیسین لگوانے پر قائل کرنے کی کوشش کر رہے ہیں۔

دوسری جانب ترجمان پینٹاگون جان کربی نے پریس بریفنگ کے دوران کہا کہ فوج بھی امریکی عوام کا ہی حصہ ہے اس لیے فوج میں بھی ویکسین نہ لگانے کا رجحان موجود ہے۔ فوج میں کورونا ویکسین کو قبول کرنے کی شرح عام عوام کے برابر ہی ہے۔