تازہ ترین
  • بریکنگ :- آرمی چیف جنرل قمرجاویدباجوہ کا بہاولپورکادورہ ، آئی ایس پی آر
  • بریکنگ :- آرمی چیف نےخیرپورٹامیوالی اوراسرانی میں تربیتی مشقوں کاجائزہ لیا
  • بریکنگ :- آرمی چیف نےمیکنائزڈدستوں کی جنگی مشقوں کامشاہدہ کیا،آئی ایس پی آر

کابل دھماکوں کی مذمت، حملہ آوروں کو کسی صورت معاف نہیں کریں گے: امریکی صدر

Published On 27 August,2021 08:23 am

واشنگٹن: (دنیا نیوز) امریکی صدر جو بائیڈن نے کابل دھماکوں کی شدید الفاظ میں مذمت کرتے ہوئے کہا ہے کہ حملہ آوروں کو ہرگز معاف نہیں کریں گے، داعش کے دہشتگرد کامیاب نہیں ہوسکتے، مارے جانے والے ہمارے ہیرو ہیں۔

واشنگٹن میں افغانستان کی صورتحال پر قوم سے خطاب کرتے ہوئے امریکی صدر آبدیدہ ہوگئے۔ انہوں نے کہا کہ آج جو زندگیاں کھو دیں وہ آزادی کی خدمت میں گئیں، ہم یہ حملہ نہ بھولیں گے اور نہ ہی معاف کریں گے، ہم مقررہ وقت تک زیادہ سے زیادہ افراد کے انخلا کی کوشش کریں گے۔

امریکی صدر جوبائیڈن کا کہنا تھا کہ حملہ کس نے کرایا ابھی کچھ نہیں کہ سکتے، کابل دھماکوں میں طالبان اور داعش کے گٹھ جوڑ کے شواہد نہیں ملے، اگر افغانستان میں اضافی فوجیوں کی ضرورت پڑی تو بھیجیں گے۔