تازہ ترین
  • بریکنگ :- ملک بھرمیں 24 گھنٹےکےدوران کوروناسےمزید 17 اموات
  • بریکنگ :- ملک بھرمیں کوروناسےجاں بحق افرادکی تعداد 28 ہزار 269 ہوگئی
  • بریکنگ :- 24 گھنٹےکےدوران 44 ہزار 831 کوروناٹیسٹ کیےگئے،این سی اوسی
  • بریکنگ :- 24 گھنٹےمیں کوروناکےمزید 720 کیس رپورٹ،این سی اوسی
  • بریکنگ :- ملک میں کورونامثبت کیسزکی شرح 1.60 فیصدرہی،این سی اوسی

صدارتی محل میں تصادم کی باتیں بے بنیاد، طالبان قیادت میں کوئی اختلاف نہیں: ملا برادر

Published On 16 September,2021 09:58 am

کابل: (دنیا نیوز) ملا عبدالغنی برادر منظرعام پر آ گئے، کہتے ہیں صدارتی محل میں تصادم کی باتیں بے بنیاد ہیں، قیادت کے درمیان کسی قسم کا کوئی اختلاف نہیں ہے۔ طالبان قیادت کے درمیان گہرے مراسم ہیں۔

کابل کے صدارتی محل میں طالبان گروپوں کے درمیان لڑائی اور تلخ کلامی کی خبریں مسترد، ملا عبدالغنی برادر نے اپنے زخمی ہونے کی بھی تردید کر دی۔ عبوری نائب وزیراعظم ملا عبدالغنی برادر نے ایک انٹرویو میں کہا کہ صدارتی محل میں تصادم کی باتیں بے بنیاد ہیں، طالبان قیادت کے درمیان کسی قسم کا کوئی اختلاف نہیں، کئی سال تک قربانیاں دیں اور مشکلات برداشت کیں، یہ سب اقتدار کے لیے نہیں بلکہ بیرونی قبضے کے خاتمے کیلئے کیا۔ ملا عبدالغنی برادر نے ایک آڈیو پیغام میں بھی مغربی میڈیا کی خبروں کو بے بنیاد اور شرمناک جھوٹ قرار دیا تھا۔

واضح رہے کہ گزشتہ اتوار کو قطری وزیر خارجہ کے ساتھ طالبان قیادت کی ملاقات میں ملا عبدالغنی برادر نظر نہیں آئے تھے۔