خبر ایجنسی کے مطابق آبنائے ہرمز سے متعلق قرارداد پر ووٹنگ کیلئے نئی تاریخ کا اعلان بھی نہیں کیا گیا، فرانس، چین اور روس کی جانب سے قرارداد کے مسودے کی مخالفت کی گئی۔

اقوام متحدہ کی سلامتی کونسل کے 10 دیگر غیر مستقل اراکین میں بھی قرارداد کے مسودے پر اختلافات پائے گئے، جس کے باعث ووٹنگ کا عمل منسوخ کر دیا گیا۔

دوسری جانب ایرانی وزیر خارجہ عباس عراقچی نے واضح کیا کہ آبنائے ہرمز سے متعلق ووٹنگ جیسے اقدامات صورتِ حال کو مزید پیچیدہ بنا دیں گے۔

خیال رہے کہ آبنائے ہرمز 28 فروری سے بند ہے، یہ اہم تجارتی گزر گاہ ایران پر امریکی و اسرائیلی حملے کے بعد سے آمد و رفت کیلئے مسلسل بند ہے۔