امریکی وزیر خارجہ مارکو روبیو اور برطانوی وزیر خارجہ ایڈ ملی بینڈ نے واشنگٹن میں ملاقات کے دوران ایران سے متعلق امور پر تبادلہ خیال کیا ہے۔

امریکی محکمہ خارجہ کے ترجمان ٹومی پگوٹ نے بتایا کہ دونوں رہنماؤں نے آبنائے ہرمز میں محفوظ بحری آمدورفت کو یقینی بنانے اور ایران کو جوہری ہتھیار حاصل کرنے یا تیار کرنے سے روکنے کے مشترکہ عزم کا اعادہ کیا، ملاقات میں یورپ کی سکیورٹی میں زیادہ مؤثر کردار ادا کرنے کی اہمیت پر بھی زور دیا گیا۔

برطانوی وزیر خارجہ ایڈ ملی بینڈ نے کہا کہ واشنگٹن میں ملاقاتوں کے دوران وہ روس کے خلاف یوکرین کی مسلسل حمایت، غزہ میں سنگین انسانی صورتحال اور فلسطینیوں اور اسرائیلیوں کے درمیان دیرپا امن کیلئے جاری کوششوں پر بھی بات کریں گے۔

واشنگٹن میں صحافیوں نے ایڈ ملی بینڈ سے امریکی صدر ڈونلڈ ٹرمپ پر ماضی میں کی جانے والی تنقید کے بارے میں بھی سوال کیا، جب ان سے پوچھا گیا کہ آیا وہ اب بھی ٹرمپ کو نسل پرست اور خواتین مخالف سمجھتے ہیں، تو برطانوی وزیر خارجہ نے اس سوال پر کوئی تبصرہ نہیں کیا۔