زیلنسکی نے ٹیلی گرام پر جاری بیان میں کہا کہ دارالحکومت پر رات گئے بیلسٹک میزائل حملے میں ایک اور شخص بھی مارا گیا۔

انہوں نے کہا کہ یورپ، امریکا اور یوکرین طویل عرصے سے روسی جنگ روکنا چاہتے ہیں لیکن روسی صدر جنگ جاری رکھنے کیلئے بیلسٹک میزائلوں اور ڈرونز پر انحصار کر رہے ہیں، اس لیے روس پر مزید دباؤ ڈالنے کی ضرورت ہے۔

واضح رہے کہ روس نے کیف پر حملے تیز کر دیے ہیں جبکہ یوکرین ماسکو کی جنگ جاری رکھنے کی صلاحیت کو کمزور کرنے کیلئے روسی تیل تنصیبات اور لاجسٹکس کے بنیادی ڈھانچے کو نشانہ بنا رہا ہے۔