تازہ ترین
  • بریکنگ :- جیکب آباد:مولادادریلوےپھاٹک کےقریب دستی بم حملہ اورفائرنگ
  • بریکنگ :- جیکب آباد:دستی بم حملہ اورفائرنگ سےایک شخص جاں بحق،7 زخمی
  • بریکنگ :- جیکب آباد:زخمیوں میں پولیس اہلکاراورراہگیربھی شامل

فی تولہ سونا مزید مہنگا ہو گیا

Published On 31 May,2021 04:56 pm

لاہور: (ویب ڈیسک) ملک بھر میں فی تولہ سونے کی قیمت میں ایک مرتبہ پھر 200 روپے کا اضافہ ریکارڈ کیا گیا۔

تفصیلات کے مطابق بین الاقوامی مارکیٹ میں فی اونس سونے کی قیمت میں 1 ڈالر کی کمی واقع ہوئی اور عالمی بازار میں سونے کی فی اونس قیمت 1903 ڈالر ہو گئی۔

عالمی مارکیٹ میں قیمتیں کم ہونے کے باوجود ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، راولپنڈی، گوجرانوالا سمیت دیگر جگہوں پر فی تولہ اور دس گرام سونے کی قیمت میں بالترتیب 200 روپے اور 172 روپے کا اضافہ ہوگیا۔

قیمتوں میں اضافے کے نتیجے میں فی تولہ سونے کی قیمت 1 لاکھ 12 ہزار 300 روپے اور دس گرام سونے کی قیمت 96 ہزار 280 روپے ہوگٸی۔

تاہم چاندی کی فی تولہ اور دس گرام کی قیمتوں میں استحکام ریکاڈ کیا گیا اور نئی قیمتیں 1480 روپے اور 1268.86 روپے کی سطح پر برقرار ہے۔