تازہ ترین
  • بریکنگ :- وزیراعلیٰ پنجاب عثمان بزدارکی مریم اورنگزیب کےبیان کی مذمت
  • بریکنگ :- بدتہذیبی اوربدتمیزی مسلم لیگ ن کاوتیرہ ہے،وزیراعلیٰ پنجاب
  • بریکنگ :- لیگی رہنمابی بی شہیدکیخلاف بھی غیرشائستہ الفاظ استعمال کرتےرہے،عثمان بزدار
  • بریکنگ :- مریم اورنگزیب نےاخلاقی پستی کامظاہرہ کیا،وزیراعلیٰ پنجاب
  • بریکنگ :- مریم اورنگزیب نےہرپاکستانی کی دل آزاری کی،وزیراعلیٰ پنجاب
  • بریکنگ :- مریم اورنگزیب نےثابت کیان لیگ میں اخلاقی اقدارکاوجودنہیں،عثمان بزدار
  • بریکنگ :- نازیباالفاظ پرانہیں قوم سےمعافی مانگنی چاہیے،وزیراعلیٰ پنجاب

حکومت نے ایک مرتبہ پھر پٹرول بم گرا دیا، قیمت میں 8 روپے 3 پیسے اضافہ

Published On 05 November,2021 08:06 am

اسلام آباد: (دنیا نیوز) تبدیلی سرکار نے انوکھا فیصلہ کرتے ہوئے پاکستان کی تاریخ میں پہلی بار رات گئے اچانک قیمتوں میں اضافہ کر کے عوام پر پٹرول بم گرا دیا۔ پٹرول کی قیمت 8 روپے 3 پیسے جبکہ ڈیزل کے دام 8 روپے 14 پیسے فی لٹر بڑھ گئے۔

وفاقی حکومت نے رات گئے عوام پر ایک دفعہ پھر پٹرول بم گرا دیا۔ پٹرول کی قیمت میں 8 روپے 3 پیسے فی لٹر اضافہ کر دیا گیا۔ پٹرول کی نئی قیمت 145 روپے 82 پیسے فی لٹر ہوگئی۔ ہائی اسپیڈ ڈیزل کی قیمت میں 8 روپے 14 پیسے فی لٹر اضافے کے بعد نئی قیمت 142 روپے 62 پیسے فی لٹر مقرر کر دی گئی۔

لائٹ ڈیزل کی قیمت میں 5 روپے 72 پیسے فی لٹراضافہ کر دیا گیا۔ لائٹ ڈیزل کی نئی قیمت 114 روپے 7 پیسے فی لٹر ہوگئی۔ اسی طرح مٹی کے تیل کی قیمت میں 6 روپے 27 پیسے فی لٹر کا اضافہ کیا گیا ہے، جس کے بعد مٹی کے تیل کی قیمت 116 روپے 53 پیسے فی لٹر ہوگئی ہے۔

پٹرولیم مصنوعات کی مسلسل بڑھتی قیمتوں پر عوام سیخ پا۔ شہریوں کا کہنا ہے کہ آئے روز بنیادی اشیائے ضروریہ کی قیمتوں میں اضافہ سرا سر ظلم ہے، مہنگائی کے سونامی نے ان کے دن کا چین اور راتوں کی نیندیں برباد کر دی ہیں۔

عوام حکومت سےمطالبہ کر رہی ہے کہ آئے روز بڑھتی ہوئی اشیائے ضروریہ کی قیمتوں کو لگام ڈالی جائے، ورنہ حالات قابو سےباہر ہو جائیں گے۔