شہری ہوابازی سے متعلق اجلاس کی صدارت کرتے ہوئے اسحاق ڈار نے پی آئی اے کی تنظیم نو کے لئے کئے جانے والے اقدامات میں ایوی ایشن ڈویژن کو ہر ممکن تعاون کا یقین دلایا۔

اجلاس میں وفاقی وزیر ریلوے و ہوابازی خواجہ سعد رفیق، سیکرٹری ایوی ایشن، معاون خصوصی طارق باجوہ، سپیشل سیکرٹری خزانہ اور ایوی ایشن کے سینئر افسران نے شرکت کی۔

— Ministry of Finance (@FinMinistryPak) April 11, 2023

وفاقی وزیر ہوا بازی خواجہ سعد رفیق نے وزیرخزانہ کو آئی ایف سی کے ساتھ ملک کے تین بڑے ہوائی اڈوں کی آؤٹ سورسنگ معاہدے سے متعلق پیشرفت سے آگاہ کیا۔

اجلاس میں پی آئی اے کی تنظیم نو میں ایوی ایشن کے حکام کو درپیش قانونی اور مالیاتی چیلنجز پر بھی تبادلہ خیال کیا گیا اور اس سلسلے میں دستیاب امکانات اور مواقع کا جائزہ لیا گیا۔