لاہور: (دنیا نیوز) ملک بھر میں بجلی چوروں کے خلاف کریک ڈاؤن مزید سخت کرتے ہوئے 194 افراد کو گرفتار کر کے 35 کروڑ سے زائد کے جرمانے عائد کر دیئے گئے۔
بجلی چوری سے متعلق سیکرٹری پاور راشد لنگڑیال نے کہا ہے کہ 8 کروڑ یونٹ بجلی چوری کا کھوج لگا لیا گیا۔
سماجی رابطے کی ویب سائٹ ایکس (ٹوئٹر) پر اعداد شمار جاری کرتے ہوئے راشد لنگڑیال نے بتایا ہے کہ بجلی چوری میں ملوث 194 افراد کو گرفتار کیا گیا ہے۔
— Rashid Langrial (@Rashidlangrial) September 11, 2023
سیکرٹری پاور راشد لنگڑیال کا کہنا ہے کہ بجلی چوری پر اب تک 35 کروڑ 20 لاکھ روپے کے جرمانے عائد کیے گئے ہیں۔
انہوں نے کہا کہ بجلی چوری پر لیسکواور میپکو میں دیگر کمپنیوں کے مقابلے میں بہتر کام ہو رہا ہے۔
