ڈالر کی اڑان برقرار، روپیہ کی قدر پھر سے گرنے لگی

Published On 02 November,2023 10:25 am

کراچی: (دنیا نیوز) ڈالر کی اڑان برقرار رہنے کے باعث روپے کی پھر سے بے قدری کا سلسلہ جاری ہے۔

کاروباری ہفتے کے چوتھے روز انٹربینک میں امریکی کرنسی کی قیمت میں 77 پیسے کا اضافہ دیکھا گیا ہے جس کے بعد انٹربینک میں ڈالر 283 روپے 42 پیسے پر بند ہوا ہے۔

یاد رہے کہ گزشتہ کاروباری دن کے اختتام پر انٹربینک میں ڈالر 282 روپے 65 پیسے پر بند ہوا تھا۔

واضح رہے کہ 16 اکتوبر سے اب تک انٹربینک میں ڈالر کی قیمت میں 6 روپے 67 پیسے کا اضافہ ہوا ہے۔

Advertisement