کراچی: (دنیا نیوز) پاکستان سٹاک ایکسچینج میں آج کاروبار کا مثبت رجحان رہا، 100 انڈیکس نے بلند ترین سطح ریکارڈ کرکے نئی تاریخ رقم کردی۔
کاروباری ہفتے کے پہلے روز پاکستان سٹاک ایکسچینج میں آج 100 انڈیکس 737 پوائنٹس اضافے سے 53 ہزار 860 پوائنٹس پر بند ہوا۔
آج کاروباری کے دوران ایک موقع پر 100 انڈیکس 54000 سے 56 پوائنٹس کے فاصلے پر 53944 پوائنٹس رہا جبکہ 100 انڈیکس کی آج کم ترین سطح 53166 رہی۔
کاروباری دن میں54 کروڑ 64لاکھ شیئرز کے سودے ہوئے جن کی مالیت 17 ارب 90 کروڑ روپے سے زائد رہی۔ مارکیٹ کیپٹلائزیشن آج 93 ارب روپے بڑھی ہے اور کاروبار اختتام پر مارکیٹ کیپٹلائزیشن 7770 ارب روپے ہے۔
