لاہور: (دنیا نیوز) پاکستان انٹرنیشنل ایئر لائن (پی آئی اے) نے جشن آزادی کے موقع پر مسافروں کے لئے کرایوں میں رعایت کا اعلان کر دیا۔
ترجمان پی آئی اے کے مطابق پی آئی اے نے اندرون ملک فضائی سفر پر کرایوں میں 14 فیصد رعایت کا اعلان کیا ہے، مسافر فوری طور پر رعایتی کرائے کے ٹکٹ خرید سکتے ہیں۔
رعایتی ٹکٹ 14 اگست کو سفر کے لئے موثر ہوں گے، ٹورنٹو سے پاکستان کے لئے بھی کرایوں میں 14 فیصد رعایت کا اعلان کیا گیا ہے، 14 اگست تک خریدے گئے ٹکٹس پر 14 نومبر تک سفر کیا جا سکے گا۔
