کراچی: (دنیا نیوز) فیڈرل بورڈ آف ریونیو (ایف بی آر) نے ٹیکس انتظامات کو بہتر بنانے اور مؤثر نگرانی کے لیے 63 بڑی کمپنیوں کے ٹیکس کیسز اپنے دائرہ اختیار میں منتقل کر لئے ہیں۔
ذرائع کے مطابق اقدام ٹیکس کمپلائنس کو مضبوط بنانے اور شفافیت و کارکردگی میں بہتری کے لیے اٹھایا گیا ہے۔
منتقل شدہ کیسز میں انکم ٹیکس آرڈیننس 2001، سیلز ٹیکس ایکٹ 1990، فیڈرل ایکسائز ایکٹ 2005 اور آئی سی ٹی سروسز ٹیکس قوانین کے تحت متعلقہ اختیارات استعمال کیے گئے۔
ذرائع کے مطابق کیسز سیکشن 209 انکم ٹیکس آرڈیننس کے تحت ایک چیف کمشنر ان لینڈ ریونیو سے دوسرے چیف کمشنر کو منتقل کیے گئے ہیں۔
ایف بی آر کی جانب سے کیسز کے ساتھ تمام ضروری معلومات اور پرانے و نئے دائرہ اختیار کی تفصیلات بھی منتقل کی گئی ہیں تاکہ ٹیکس معاملات کی مؤثر نگرانی اور بہتر انتظامی کنٹرول ممکن بنایا جا سکے۔
ذرائع کے مطابق اس اقدام سے ٹیکس میں چوری روکنے، شفافیت بڑھانے اور ادارہ جاتی اصلاحات کو فروغ دینے میں مدد ملے گی۔
