کاروباری ہفتے کے پہلے روز کاروبار کے آغاز پر سٹاک ایکسچینج میں زبردست تیزی دیکھنے میں آئی، 1800 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 91 ہزار 32 پوائنٹس کی بلند ترین سطح پر پہنچ گیا ہے۔

تاہم ٹریڈنگ کے دوران سٹاک مارکیت میں اچانک مندی چھاگئی جو کاروباری روز کے اختتام تک برقرار ہی جس کے باعث ہنڈرڈ انڈیکس 579 پوائنٹس کی کمی کیساتھ ایک لاکھ 88 ہزار 587 پوائنٹس کی سطح پر بند ہوا۔

واضح رہے کہ گزشتہ کاروباری ہفتے کے آخری روز سٹاک ایکسچینج میں ٹریڈنگ کے اختتام پر ہنڈرڈ انڈیکس 1478 پوائنٹس اضافے کیساتھ ایک لاکھ 89 ہزار 166 پوائنٹس کی سطح پر بند ہوا تھا۔