تازہ ترین
  • بریکنگ :- الیکشن کمیشن بلدیاتی انتخابات میں ای ایم وی کےاستعمال کاوعدہ نبھائے،شبلی فراز
  • بریکنگ :- الیکشن کمیشن کاکام ہےوہ جیسےچاہےمشین حاصل کرے،شبلی فراز
  • بریکنگ :- ای وی ایم کےحوالےسےوزارت نےاپناکام مقررہ وقت پرکیا،شبلی فراز
  • بریکنگ :- ہم نےالیکشن کمیشن کی ڈیمانڈ کےمطابق مشین بنائی،شبلی فراز
  • بریکنگ :- جس مشین کاانتخاب ہوگااس کاعالمی ٹینڈرجاری ہوگا،شبلی فراز
  • بریکنگ :- ہماری حکومت کامقصدکوئی خاص مشین نہیں،شبلی فراز
  • بریکنگ :- قانون بن چکا،2023 کےانتخابات ایم وی ایم پرہوں گے،شبلی فراز

کرکٹ اسٹرکچر کو ٹھیک کرلیں تو پاکستان کا کوئی مقابلہ نہیں کرسکتا: وزیراعظم

Published On 16 September,2020 03:21 pm

اسلام آباد: (دنیا نیوز) وزیراعظم عمران خان نے کہا ہے کرکٹ کے اسٹرکچر کو اگر ہم ٹھیک کرلیں تو پاکستان کا کوئی مقابلہ نہیں کرسکتا، جب بھی اصلاحات کی جاتی ہے اس میں تھوڑی مشکلات آتی ہیں، پاکستان ٹیلی وژن اور پاکستان کرکٹ بورڈ کے درمیان معاہدہ خوش آئند ہے، پی ٹی وی نجی چینلز کیساتھ مقابلہ کرے گا تو لوگ فیس دینا چاہیں گے، پی ٹی وی بہتر ہوگا، تو فیس بھی بڑھا دیں گے۔

پی ٹی وی اور پی سی بی میں ڈومیسٹک کرکٹ کے نشریاتی حقوق کے معاہدے کی تقریب سے خطاب کرتے ہوئے وزیراعظم کا کہنا تھا پاکستان میں کرکٹ کا جو ٹیلنٹ دیکھا دنیا میں کہیں نہیں دیکھا، سسٹم کی وجہ سے ٹیلنٹ اوپر نہیں آتا، آسٹریلیا کا کرکٹ سسٹم سب سے بہتر ہے، پاکستانی کرکٹ ٹیم کو ٹھیک کرنے کیلئے سسٹم ٹھیک کرنے کی ضرورت ہے۔

عمران خان نے کہا ماضی میں کرکٹ انتظامیہ میں من پسند افراد کو جگہ دی گئی، بھارت میں پی ٹی وی کے ڈرامے دیکھے جاتے تھے، وقت کے ساتھ سیکھنے والے ہی ترقی کرتے ہیں، وقت کیساتھ تبدیلی ضروری ہے، جو رک جاتا ہے وہ پیچھے رہ جاتا ہے، اداروں میں سفارش پر لوگوں کو بھرتی کرنا نظام کو کمزور کر دیتا ہے، آسٹریلیا کی ٹیم میں میرٹ ہے اس لیے وہ دنیا پر راج کر رہے ہیں، میرا خواب ہے آئندہ ورلڈکپ میں پاکستان کا ٹیلنٹ نظر آئے۔