تازہ ترین
  • بریکنگ :- وزیراعلیٰ پنجاب نےایل ڈی اےکی گورننگ باڈی کااجلاس طلب کرلیا
  • بریکنگ :- لاہور کےترقیاتی منصوبو ں پرپیشرفت کاجائزہ لیاجائےگا
  • بریکنگ :- اجلاس میں ایل ڈی اےسےمتعلقہ امورکی منظوری دی جائےگی
  • بریکنگ :- لاہور:ڈی جی ایل ڈی اےاجلاس کوبریفنگ دیں گے

مودی کا صحت سے متعلق وزیراعظم عمران خان کو ٹویٹ، پیٹرسن کا خوشی کا اظہار

Published On 25 March,2021 04:54 pm

لاہور: (ویب ڈیسک) انگلش کرکٹ ٹیم کے سابق بیٹسمین کیون پیٹرسن نے بھارتی وزیراعظم نریندرا مودی نے پاکستان کے وزیراعظم عمران خان کو لکھی گئی ٹویٹ پر خوشی کا اظہار کیا ہے۔

تفصیلات کے مطابق وزیراعظم عمران خان کے کورونا میں مبتلا ہونے کے بعد 20 مارچ کو بھارتی وزیراعظم نریندر مودی نے ٹوئٹر پیغام کے ذریعے عمران خان کے لئے نیک خواہشات کا اظہار کیا تھا جس کے ردعمل میں کیون پیٹرسن نے ٹوئٹ کرتے ہوئے کہا کہ نریندرا مودی کی عمران خان کو لکھی گئی ٹوئٹ سے مجھے خوشی ہوئی۔

ان کا کہنا تھا کہ پاکستان اور بھارت کے میدان میں اور باہر اکٹھے ہونے کے خواب کو تعبیر مل سکے گی۔ اس سال نے ہمیں دکھا دیا کہ ہم سب کو ایک دوسرے کی ضرورت ہے۔

یہ بھی پڑھیں: وزیراعظم کا کورونا ٹیسٹ مثبت،مودی،پکسے سمیت سفیروں کا نیک تمناؤں کا اظہار

سابق انگلش بیٹسمین نے دونوں ملکوں کے درمیان اچھے تعلقات آگے بڑھنے کی امید بھی ظاہر کی۔

واضح رہے کہ بھارتی وزیراعظم نریندر مودی نے وزیراعظم عمران خان کے لئے ٹوئٹر پر نیک خواہشات کا اظہار کیا تھا۔ جبکہ یوم پاکستان کے موقع پر بھی نریندر مودی نے وزیراعظم عمران خان کو خط لکھا تھا۔

یوم پاکستان پر وزیراعظم عمران خان کے نام بھارتی ہم منصب نریندر مودی نے خط میں پاکستانی عوام کو مبارکباد دیتے ہوئے کہا تھا کہ پاکستانی عوام کے ساتھ خوشگوار تعلقات چاہتے ہیں، اس کے لئے دونوں ممالک کے مابین کشیدگی اور دہشت گردی سے پاک اعتماد سازی کی فضا ضروری ہے۔