تازہ ترین
  • بریکنگ :- ایک ماردرپدرآزادمعاشرہ تشکیل دینےکی کوشش کی گئی،فضل الرحمان
  • بریکنگ :- اڈےنہ دینےکافیصلہ عمران خان نےعوامی دباؤپرکیا،فضل الرحمان
  • بریکنگ :- مہنگائی کاپہاڑگرنےوالاہے،یہ صرف باتیں کرتےرہیں گے،فضل الرحمان

عثمان خواجہ پاکستان میں کرکٹ کھیلنے کے لیے بے تاب

Published On 28 April,2021 07:43 pm

لاہور: (ویب ڈیسک) آسٹریلوی ٹیسٹ کرکٹر عثمان خواجہ اپنی جائے پیدائش والے ملک پاکستان میں کرکٹ کھیلنے کے لئے بے تاب ہیں۔

واضح رہے کہ پانچ برس کی عمر میں عثمان خواجہ کی فیملی اسلام آباد سے آسٹریلیا منتقل ہو گئی تھی۔

پاکستان سپر لیگ سیزن 6 کے باقی میچز کیلئے ری پلیسمنٹ ڈرافٹنگ کا عمل مکمل ہوا، آسٹریلوی ٹیسٹ کرکٹر عثمان خواجہ کو اسلام آباد یونائیٹڈ نے پک کیا۔

آسٹریلوی کرکٹر پی ایس ایل سکس میں اسلام آباد یونائیٹڈ کا حصہ بننے پر بے حد خوش ہیں، عثمان خواجہ کا کہنا تھا کہ اپنے پیدائش والے ملک پاکستان میں کھیلنے کا شدت سے منتظر ہوں ، میں جس ٹیم میں شامل ہوا ہوں وہ ٹیم اُسی شہر کی نمائندگی کرتی ہے جہاں وہ پیدا ہوئے،

انہوں نے خواہش کا اظہار کیا کہ میں اپنے گھر بھی جانا چاہوں گا جہاں سے میں نے اور میری فیملی نے شروعات کی، مجھے اچھا لگ رہا ہے کہ پاکستان میں کرکٹ واپس آرہی ہے۔

آسٹریلوی کرکٹر کا کہنا تھا کہ آسٹریلیا میں ڈومیسٹک کرکٹ کی وجہ سے پی ایس ایل کھیلنے کا موقع نہیں ملا، بھارت سری لنکا اور بنگلا دیش میں کھیل چکا ہوں لیکن پاکستان، جہاں میں پیدا ہوا وہاں نہیں کھیل سکا تھا، اب مجھے پاکستان میں کھیلنا بہت اچھا لگے گا۔

انہوں نے کہا کہ میرے خیال میں پاکستان میں کرکٹ کی بحالی کے لئے سخت محنت کی گئی ہے تاکہ لوگ آئیں اور کھیلیں، انگلینڈ کی ٹیم پاکستان جا رہی ہے جبکہ آسٹریلیا کا بھی پاکستان میں کھیلنا مجھے اچھا لگے گا۔