تازہ ترین
  • بریکنگ :- وزیراعلیٰ عثمان بزدارسےگجرات کےارکان پنجاب اسمبلی کی ملاقات
  • بریکنگ :- پنجاب کابجٹ ہرضلع کی یکساں ترقی کاروڈمیپ ہے،ارکان اسمبلی
  • بریکنگ :- ڈویلپمنٹ پیکج سےصوبےمیں ترقی کانیادورشروع ہوگا،ارکان اسمبلی
  • بریکنگ :- لاہور:پاکستان معاشی ترقی کی راہ پرگامزن ہوچکا،عثمان بزدار
  • بریکنگ :- موجودہ حالات میں انتشارکی سیاست کی گنجائش نہیں،عثمان بزدار

برطانوی ہائی کمشنر کرسچن ٹرنر کی ’رومن اردو‘ میں سابق کپتان شاہد آفریدی کو مبارکباد

Published On 06 May,2021 04:52 pm

لاہور: (ویب ڈیسک) برطانوی ہائی کمشنر کرسچن ٹرنر نے پاکستان کرکٹ ٹیم کے سابق کپتان اور اسٹار آل رائونڈر شاہد آفریدی کو ملنے والے اعزاز پر خوشی کا اظہار کیا ہے۔

تفصیلات کے مطابق حال ہی میں پاکستان سمیت دنیا بھر میں مشہور شاہد آفریدی کو میری لیبون کرکٹ کلب (ایم سی سی) کی اعزازی ممبر شپ سے نوازا گیا، جس پر برطانوی ہائی کمشنر کرسچن ٹرنر نے ٹوئٹر پر باقاعدہ شاہد آفریدی کو مخاطب کرتے ہوئے ’رومن اردو‘ میں پیغام لکھا اور اپنی خوشی کا اظہار کیا۔

برطانوی ہائی کمشنر کرسچن ٹرنر نے ٹوئٹر پر شاہد آفریدی کو ملنے والی ممبرشپ کو شاندار خبر قرار دیا اور لکھا کہ آفریدی لائف ٹائم اعزازی ممبر شپ ملنے پر بہت مبارک، کوئی شک نہیں کہ کرکٹ ہمارے خون میں ہے۔

برطانوی ہائی کمشنر کرسچن ٹرنر نے اپنے پیغام کے ساتھ پاک برطانیہ دوستی کا ہیش ٹیگ بھی استعمال کیا۔

اس ٹویٹ پر قومی ٹیم کے سابق کپتان شاہد آفریدی نے کرسچن ٹرنر کا شکریہ ادا کیا۔

واضح رہے کہ 4 مئی کو سوشل میڈیا سائٹ ٹوئٹر پر تصاویر جاری کرتے ہوئے شاہد آفریدی نے کہا تھا کہ ایم سی سی کی لائف ٹائم اعزازی ممبر شپ حاصل کرنا کسی اعزاز سے کم نہیں۔