کرکٹ
خلاصہ
- لاہور: (دنیا نیوز) پاکستان سپر لیگ 6 میچز کی تیاریاں فائنل مرحلے میں داخل ہو گئیں۔ بھارت اور جنوبی افریقہ سے تعلق رکھنے والے کھلاڑیوں، براڈ کاسٹر اور آفیشلز کو ویزے جاری ہونے سے بڑی رکاوٹ دور ہو گئی، تمام ٹیمیں کل ابوظہبی پہنچ جائیں گی۔
کورونا وائرس کے باعث التوا کا شکار پی ایس ایل 6 کے میچز کی تیاریاں مکمل ہونے لگیں۔ کھلاڑیوں، سپورٹ سٹاف، براڈ کاسٹر اور آفیشلز کے 25 جبکہ جنوبی افریقہ سے تعلق رکھنے والے فاف ڈوپلیسی، ڈیوڈ ملر، رائیلی روسو، کیمرون ڈیلپورٹ، مائیکل سمتھ اور ہیڈ کوچ ہرشل گبز سمیت 26 افراد کو ویزے جاری ہو گئے۔
قومی آل راؤنڈر محمد نواز بھی پروٹیز کے دیس سے یو اے ای پہنچیں گے۔
