لاہور: (ویب ڈیسک) پاکستان کے وکٹ کیپر بلے باز رضوان نے ایک اور اعزاز اپنے نام کر لیا۔
محمد رضوان دو طرفہ ٹی 20 سیریز میں سب سے زیاد رنز بنانے والے دنیا کے پہلے بلے باز بن گئے۔
رضوان پاکستان اور انگلینڈ کے درمیان 7 میچز پر مشتمل ٹی 20 سیریز کی اب تک پانچ اننگز میں 315 رنز بناچکے ہیں، وہ دو طرفہ سیریز میں تین سو رنز کرنے والے دنیا کے پہلے بیٹر ہیں۔
اس سے قبل سربیا کے لیزل ڈنبر نے بلغاریہ کے خلاف چار اننگز میں 284 رنز سکور کیے تھے جبکہ جنوبی افریقا کے کوئنٹن ڈی کو ک نے ویسٹ انڈیز کے خلاف 5 اننگز میں 255 رنز بنائے تھے۔
محمد رضوان کی پانچ اننگز میں چار نصف سنچریاں بھی شامل ہیں، اس سے قبل پاکستان کی جانب سے دو طرفہ سیریز میں سب سے زیادہ رنز بابر اعظم کے تھے۔
