لاہور: (دنیا نیوز) پاکستان کرکٹ ٹیم کے آل راؤنڈر شاداب خان رشتہ ازدواج میں منسلک ہوگئے۔
قومی آل راؤنڈر شاداب خان نے سماجی روابط کی ویب سائٹ پر ٹوئٹ میں لکھا کہ الحمد اللہ آج میرا نکاح تھا، یہ میری زندگی کا بہت بڑا دن تھا اور آج ایک نئے باب کا اضافہ ہوا ہے، براہ کرم میرے انتخاب ، میری اہلیہ اور میرے خاندان کے انتخاب کا احترام کریں۔ آپ سب کیلئے دعائیں اور ڈھیر سارا پیار۔
اپنی ٹوئٹ میں شاداب خان نے بتایا کہ میں اپنے مینٹور ثقی بھائی کے خاندان کا حصہ بن رہا ہوں، میں اپنی نجی زندگی کو علیحدہ رکھنا چاہتا ہوں، میری فیملی نے بھی اسی عمل کو ترجیح دی ہے، میری اہلیہ کی بھی یہی خواہش ہے، وہ چاہتی ہیں کہ ان کی زندگی نجی ہی رہے۔
Alhamdulilah today was my Nikkah. It is a big day in my life and start of a new chapter. Please respect my choices and those my my wife’s and our families. Prayers and love for all pic.twitter.com/in7M7jIrRE
— Shadab Khan (@76Shadabkhan) January 23, 2023
انہوں نے مزید لکھا کہ میں آپ سب سے گزارش کرتا ہوں کہ میری اہلیہ اور ہمارے خاندان کی چوائس کا احترام کریں،پھر بھی اگر آپ سلامی بھیجنا چاہتے ہیں تو میں اکاؤنٹ نمبر بھیج دوں گا۔‘
اس سے قبل پاکستانی کرکٹرز شان مسعود اور حارث رؤف بھی حال ہی میں شادی کے بندھن میں بندھے ہیں جبکہ فاسٹ بولر شاہین شاہ آفریدی کی شادی بھی رواں برس فروری میں طے ہے۔
