لاہور: (ویب ڈیسک) پاکستان سپر لیگ 8 میں اسلام آباد یونائیٹڈ کی کیمپین کو دھچکا لگا ہے، انگلش فاسٹ باؤلر ٹائمل ملز پاکستان سپر لیگ میں شرکت نہیں کرپائیں گے۔
ذرائع کے مطابق ٹمال ملز انگلینڈ میں ٹریننگ کے دوران انجری کی وجہ سے پی ایس ایل میں شرکت سے محروم ہو گئے ہیں اور بتایا جارہا ہے کہ کرکٹر کی پرانی انجری دوبارہ بگڑ گئی ہے۔
ٹائمل ملز نے اسلام آباد کو آخری پانچ میچز کے لیے 27 فروری کو جوائن کرنا تھا، اس کے علاوہ اسلام آباد کے نوجوان فاسٹ بولر ذیشان ضمیر بھی فٹنس مسائل کا شکار ہیں۔
دوسری جانب کولن منرو نے فٹنس ٹیسٹ کلیئر کرلیا اور وہ اگلے میچ کے لیے دستیاب ہوں گے، خیال رہے کہ منرو کو لاہور کے خلاف میچ میں گیند لگی تھی جن کی اب ایکسرے رپورٹ کلیئر آئی ہیں۔
