ایرن ہالینڈ اپنے مخصوص انداز کے بعد اردو بول کر بھی پاکستانیوں میں مقبول ہونے لگیں

Published On 16 March,2023 01:50 pm

لاہور: (ویب ڈیسک) پاکستان سپر لیگ کی پریزینٹر ایرن ہالینڈ اپنے دلچسپ انداز کے باعث پاکستان میں بہت زیادہ مشہور ہوچکی ہیں۔

پی ایس ایل کے لیے آسٹریلیا سے تعلق رکھنے والی ایرن ہالینڈ کئی سالوں سے پاکستان آرہی ہیں اور میچز کے دوران انہیں پاکستانی ملبوسات میں بھی کئی مرتبہ دیکھا گیا ہے۔

گزشتہ دنوں ایرن ہالینڈ نے لاہور کے تاریخی مقامات کا دورہ بھی کیا تھا اور انہوں نے سوشل میڈیا پر لکھا تھا کہ’ کچھ چیزیں آپ کو سوچنے پر مجبور کرتی ہیں اور بادشاہی مسجد ان میں سے ایک ہے‘۔

اب سوشل میڈیا پر ایرن ہالینڈ نے پاکستانیوں کو بتانے کی کوشش کی ہے کہ انہوں نے کتنی اردو سیکھ لی ہے۔

ایرن ہالینڈ نے گراؤنڈ میں کھڑے ہوکر اردو میں ایک سے دس تک گنتی سنائی اور اس کے علاوہ انہوں نے اردو میں مختلف جملے بھی کہے۔